Almanak 2009 er komið út

Almanak Hins íslenska þjóðvinafélags fyrir árið 2009, 135. árgangur, er komið út. Í almanakinu sjálfu er m.a. að finna dagatal með upplýsingum um gang himintungla, messur kirkjuársins, sjávarföll, hnattstöðu Íslands o.fl. Almanakinu fylgir Árbók Íslands 2007 í samantekt Heimis Þorleifssonar. Í Árbók Íslands er fróðleikur um árferði, atvinnuvegi, stjórnmál, úrslit Íslandsmóta, náttúruhamfarir, slys, mannalát, verklegar framkvæmdir, vísitölur, verðlag o.s.frv. Í ritinu, sem er 221 bls, er fjöldi mynda.
Umsjónarmaður Almanaksins er Jóhannes Halldórsson. Almanak 2009 er 221 bls. dreifingu annast Sögufélag, Fischersundi 3 og prentun fór fram í Prentsmiðjunni Odda hf. ISSN: 1670-2247.